بكل صراحة لـ علاء الدوينى

مش مكبوب لهوانا يعيش
مش مكتوبلى يكونلى معاك
قلب ورسم وحلم وبيت
صبحوا مفيش
وبقولهالك
ياللى عيونك صبحوا دلالك
ماتستنيش
انى اسهر قلبى فى ليلك
انى انور عمرى دليلك
انى اغزلك شوقى قصايد
تنزل عايمه ف نهر حنينك
وارجع تانى واقولهالك
وبكل صراحه
متستنيش
فاكره ياقاسيه
قلبى ف بعدك
حالته عصيبه
وانتى عايشه
ف حاله عجيبه
راكبه دماغك
رافضه الحلم
ف قلبى بكون
نسمه حنون
حلم جنون
نبتت عيش
وارجع تانى
واقولهالك
بكل صراحه
متستنيش
كل ليالى الحب اهى عدت
حتى المحنه ف بعدك عدت
ولما نسايم الفرقه عدت
جاتنى اوجاعها
بس اهى عدت
عدت كل ليالى الشوق
كانت عينك ليا انا طوق
ينقذ قلبى من الامواج
واخيرا بزف البشرى لعيونك
قلبلا العاصى اهو تاب
وماعدش بيحلم تانى
بسحر جفونك
وبيقولهالك
وبيبعتهالك
ويرددهالك
ماتستنيش
قلبى ف هواك يعيش
ارجع تانى و اقولهالك
و بكل صراحه
متستنيش